Hazrat Zakariya In Urdu

hazrat zakariya in urdu Dosto mujhe samajh nahi aa rha tha thread kahan post krun mmujhe laga yahin pe krna chahye,
kya kisi ko pta ha Hazrat Yahya (A.S) ki shahadat ka full waqia? in urdu?
mujhe urgent chahye.
ya phr yehi bta den k Un ki shahadat ka waqia Quran Paak ki kis Surah mein ha??
Hazrat Zakarya (Alaihissalam) ke Zamane ka jo Baadshah tha uski Beevi’ paihle Shauhar se ek Ladki apne sath layee thi,jo badi Haseen-o Jameel khubsurat thi,aur Badhshah ki beevi khud Budhiya ho chuki thi,Badshah ki beevi ne apne Asaish araam ka khayal karte huwe ye socha ke agar Badshah koi bahar se doosri beevi le aaya to meri kuch na chalegi…
Lihaza! Badshah ki beevi ne kaha : mai apni Beti tumhare Nikah me dena chahti hu kya tum usse Nikah karo ge ?
Badhsh ne ye Mashwara Hazrat Yahya (Alaihissalam) se kiya.
Aap alaihissalam ne Farmaya wo ladki tujhpe Haram hai qki wo tumhari beti lagti hai…
Is waqiya ki Khabar us BadBakh Zaniya Fahisha ko pahunchi,sunte hi apne Dil me Hazrat Yahya ki taraf se bugz-o keena paida kiya,aur Mauqa ki talash me rahi.
Ek roz Badshah Nashe me choor tha,Mauqa dekh kar us Aurat ne apni Ladki ko saja sawar kar ke Badshah ke rubaru pesh kiya… Badshah ne uske Jamal wa Kamal ko dekh kar uspe Ashiq hogaya,aur Badkaari ka Irada kiya to uski Badkaar beevi ne fauran rok diya,aur kaha: ye soorat tujhe tab Mayassar hosakti hai jab tu Hazrat Yahya ko Qatl karde, Badshah ne khuwahish-e Nafsani se Qalt Yahya ka Hukm dediya.
Ulma-e waqt ne kaha : ye bahut bada sangeen bahut hi bura Jurm hai,isse Baaz aajao warna Yahya ke khoon ka qatra jis zameen par gire ga waha ghaas naa ugegi…
Lekin Badshah na Maana uspe to Bhoot sawar tha badkari ka,usne Sipahiyon ko Hukm diya ke SAR Yahya ka Tasht me rakha jaay aur Khoon kisi KUWE’N me daal diya jaye…
Chunche! Sipahi, Hazrat Yahya (Alaihissalam) ko lene ke liye bheje gaye, ek Shakhs ne Badshah se kaha : huzoor! Yahya ke WALID Zakarya bade Mqbool bargah-e Ilahi hai,paihle unhe Qatl kijiye ke kahi aisa na ho ke apne Bete Yahya ke Qatl ke Gam me BadDuwa na karde kyun ke unki koi bhi duwa rad nahi hoti turan Maqboole Bargahe Ilahi hoti hai…
Badshah ne is bina par ye hukm bhi dediya ke Qatl Yahya se pahle Qatl Zakarya hojaye.
Mulazman shahi Hazrat Zakarya (alaihisslam) ki Giriftari ko bhi Rawana huwe.
Yaha aakar dekha ke woh dono Baap Bete Namaz me Mashgool hai,pahle un BeDeeno ne Hazrat Zakarya ke barabar se Hazrat Yahya ko kheencha aur Rassi se aap ke haath pair Bandh diye,Doosri Jama’at ne Hazrat Zakarya ko pakadna chaha to aap waha se bhage,lekin unlogo ne aap ka peechha kiya,Hazrat Zakarya bhagte bhagte thak gaye aur ek Darakht (pedh) ke saye me baith gaye,aap ne peechhe mud ke dekha to wo log dikhayee diye,aapne us Darakht (pedh) ki taraf Isharah farmaya to wo Darakht beech se (shaq) phat gaya,aur Hazrat Zakarya us pedh me RooPosh (chhupgaye) Shaitan ne Aap ki Chadar Mubarak ka ek kona pedh ke Bahar kardiya.
Dushmanan-e Zakarya dhoondte huwe jab us pedh ke pas pahunche to Shaitan ek Buzurg ki Soorat me aaya… fir unlogon ne us Shaitan se poochha fala fala huliye ke shakhs dekha hai tumne?
Us maloon Mardood Shaitan ne anjaan bankar kaha : is Huliye ke Shakhs ko maine is samne wale pedh me RooPosh (chupte) huwe dekha hai,aur aap (alaihissalam) ki chadar Mubarak ka kona bhi dikhaya…
Unlogone Shaitan se poochha ke ab is pedh se Bahar nikalne ki kiya soorat hai?
Shaitaan ne kaha : bahar nikalne ki kiya Zarurat hai? tumhara Maqsad to use Halak karna hai,lihaza! Uski halakat yun bhi Mumkin hai,aur (AARAH) ki Soorat bhi batayee us Mardood ne,aur kaha ke (AARAH) ke Zariye is Pedh ke Do tukde kardo!
Chunache! Ye Khabees log us ray ko pasand kar ke (AARAH) laay aur Pedh par rakh kar uske do tukde karne lage…
Aarah Darakht ko kat te kat te Hazrat Zakarya tak Pahuncha,Aarah Sar se chalgaya Aur Jasd Mubrak ke do tukde hogaye,Magar Aap (Alaihissalam) ne AAH tak naa ki. ALLAH ALLAH…
Idhar aap Shaheed huwe,aur udhar Ma’soom Hasti Hazrat Yahya (Alaihissalam) Badshah ke Mahal me laye gaye,Badshah ne Hukm diya ke mere Samne Zindah Na Pesh karo,Balke unka SAR laya jaaye…
Un Zalim patthar Dil Insano ne Badi berahmi aur Jaabiraana Tareeqe se Hazrat Yahya (Alaihissalam) ko Mahal se Bahar Shaheed kardala.
Sar Mubarak ko Tasht me rakha aur Badshah ke Mahal me pesh kiya,lekin aapka kata huwa Sar Mubarak yahi kahraha tha,Ay Badsha wo Ladki tere liye Haram hai… fir un Zalimo ne aap ke Khoon ko Kuwen me Dala,wo Kuwa’N Josh zan huwa aur Badshah ko Allah Tabarak wa Ta’ala ne Bakht Nasar Babli ya Tartoos Roomi ke Hatho halak kiya.
{Garaibul Quran-Safa-No-7 8}
.
Hazrat Zakarya (Alaihissalam)…
Wrong section
Ask an expert
میں تھریڈ بنا کر پوچھا جاتا ہے یہاں ہلپنگ تھریڈ الاؤڈ نہیں
شکریہ
true”
post source

Leave a Comment

(0 Comments)

Your email address will not be published. Required fields are marked *