Gosht Galane Ka Tarika

gosht galane ka tarika Dosto aaj main aap k liye boht saaray Ghreloo Totkay le k haazir hua hoon…
Gosht Jald Galane ki Tarkib:
Gosht jald galane ke liye mandarjah zel tarkibon mein se koi aik tarkeeb istemaal karein.
1-Pakte huye gosht mein chaalyah ke do tukre kar ke daal dijye. Aik kg gosht ke liye aik chaalyah kafi hogi.
2-Jis bartan mein gosht pak raha ho is ke dhakan ya plate ke piche thora sa chuna( jo pan mein khaya jata hai) lagadein.
3- pakte huye gosht mein aik chutki shaker daal dijye Ya aik chutki khane ka soda daal dijye.
4-Kharbuze ka chilka ya papite ki aik phank daal dene se bhi gosht jaldi gal jata hai.
Andon(eggs) ko Ziadah Arse Mahfuz Rakhne ka Tareeka:
1- Eggs ko pise huye namak mein duba kar rakh dene se kafi der tak kharab nahi hote .
2- Garam pighle huye mom mein andon ko ghotah de kar nikal lijye phir kisi sard jagah par mahfooz rakhye to woh kayi maah tak kharab nahi hon ge.
Channay Galany ki Tarkeeb:
Pehle kache chane pani mein bhigo dein jab chane bhig kar phool jayain to pakane se aadha ghanta pehle khane ka soda daal kar rakh dein phir ½ hour baad pani se soda dho dalain. Is ke baad pakayain khoob gal jayain gey.
Piaz ki Jhalan se Bachny ka Tareeqa:
Aksar piaz kat-te waqt aankhon se pani jari ho jata hai. kiun keh piaz mein aik khas qisam ki chaal payi jati hai is se bachne ki tarkeeb yah hai keh piaaz ke do tukre kar lein lekin pehle is ke chilke utarna nah bhulein phir piaz ke tukron ko thori der pani mein bhigo dein. Is ke baad is ko chahe jitni bareek katain aankhon se pani jari nahi hoga.
Tamatar ka Chilka:
Baaz logon ko tamatar ke chilke se chir hoti hai. Agar in ke monh mein khana khate huye tamatar ka chilka aajaye to who khana hi chor dete hain. Waise bhi chilka hazam nahi hota, is liye tamataron ko salan mein dalne se qabal chilka utar lia jaye to acha hai. Chilka utarne ke liye tehni wali taraf tamatar par add (+) ka kat laga kar chand second boil pani mein dalein aur phir nikal kar dekhain. Chilka kitni aasani se utar aaye ga.
Munh se Piaz ki Bu:
Barsat aur garmi ke mosam mein kachi piaz khana buhat mufeed hai magar is ko khane ke baad munh se bari nagawar si bu aati hai jo qareeb baithne walon ko bhi mehsus hoti hai piaz khane ke baad agar thora sa dhanya chibalein to bu dur ho jati hai.
Monh se Muli ki Bu:
Mulyan bhi salad ka lazmi juzu hain. Kachi khayain ya paka kar donon tarah mufeed hoti hain magar in ke sath yeh qabahat hai keh khane ke baad munh se bu ke elawah buhat nagawar qisam ki dekarein aati rehti hain muli maday mein mojud har cheez ko hazam karne mein madad deti hai magar khood hazam nahi hoti ya phir buhat der mein hazam hoti hai is liye muli khane ke baad thora sa gur kha lia jaye is se muli hazam ho jati hai aur dekarein nahi aati ya phir matar ke chand dane chibayain to bhi dekarein nahi aayain gi.
Chulhe ki Chamak:
Kitchen mein gas ka chulha saaf suthra na ho to buhat nagawar lagta hai hafte mein aik bar chulhe ki safayi maamul bana lein. Ise sirke ke sath saaf karein. Tamam daag dhabbe aur chiknayi bil kul saaf ho jaye gi aur chulha chamakne lage ga.
Mirror ki Chamak:
Aalo aisi sabzi hai jo lehsan piaz ki tarah har ghar mein mojood rehti hai. kabab banana ke liye ya parathe pakane ke liye ab jab kabhi aalo boil karein to in ke chilke phaik dene ki bajaye in se aaine chamkane ka kaam lein. Chilke mal kar dekhain. Aainah kaise chamkne lage ga.
sajaawish From ITD.
Bhae je lgta ha coocking tm khud krty ho
Nice Sharing Bro But Is Ka Faida To Khawateen Ko Hai Humain Thori Hai
Move From General Discussion
Arre wah
thanks bro….”
post source

Leave a Comment

(0 Comments)

Your email address will not be published. Required fields are marked *